SUDOR Larium

SUDOR Larium
indicium multarum aerumnarum civitati, creditus olim. Statius Theb. l. 4. v. 374.
Nuntiat excubiis vigiles arsisse Plateas,
Nam Tyrios sudasse Lares ---
Lucanus l. 1. v. 549.
----- --- Vestali raptus ab arâ
Ignis, et ostendens confectas flamma Latinas
Scinditur in partes, geminoque cacumine surgit,
v. 556.
Indigetes flevisse Deos, urbisque laborem
Testatos sudore Lares etc. ---
Aliarum item statuarum. Florus. l. 2. c. 8. Cum humcre continuô Cumanus Apollo sudaret. Sed hic faventis Asiae suae Numinis timor crat. Silius Ital. l. 1. v. 97.
Tunc Magicô volitant cantu per inania manes
Exciti, vultusque n marmore sudat Elysae.
Sic simulacrum Averni sudâsse legitur, apud Iunium Philargyrum in Georgic. Virgilii l. 2. et in prodigiis mortem Caesaris consectis Georgic. l. 1. v. 480.
-- Maestum illachrumat templis ehur, aeraque sudant etc.
Plura vide apud Plutarchum et Obsequentem, c. 112. 113. quorum illum rationibus compingendis laborantem vide in Coriolano.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.